आधुनिक गज़ल

आज मैले राखेको छु जीवन प्रयोगको लागि 
अनिसँगै राखिदीय बचपन प्रयोगको लागि 

चोखो मिठो माया गर्दा परीक्षा यहाँ लिन्छन् भने
बेहोसी भै राखिदिन्छु तनमन प्रयोगको लागि 

उसले सगरमाथा बेचेर नाम कमाउछ भने
मैले पनि राखिदिन्छु बतन प्रयोगको लागि 

यो कस्तो अचम्म छ शहरतिर हेर्नुस सरकार
धनीहरू ल्याउछन यहाँ निर्धन प्रयोगको लागि

जीवन भर सधैँ सधैँ रुदै बाँच्नु परेपछि
आजभोलि राखेको छु जलन प्रयोगको लागि

विवश भर्इ भई बाँच्नु भन्दा दुनियामा सधैँ
राखिदिन्छु अब मैले कफन प्रयोगको लागि